For di sr. Lyrick Pourier, un dirigente hoben di baseball aki na Aruba, nos a haya e siguiente comunicado relaciona cu baseball Little League.  E comunicado ta bisa asina ki: Mi ta kere hopi di nos no ta na altura locual cu ta pasando den e mundo di Little League aki na Aruba. Mi ta kere cu prome Little League cuminsa tur hende especialmente club nan di baseball cu ta afilia na Little League Aruba tin e derecho pa sa kiko ta adando! Ami como manager cu ta participa den progama Little League ta ful contra locual di e hecho nan cu ta pasando y a pasa caba den pasado desde cumi a bira coach y manager y awor a bira ora pa bisa ta basta. Na prome lugar ta con nos D.A.[District Administrator] ta draai e progama, nuin momento bo ta tende un propaganda ta wordo hasi pa cu e programa aki, e club nan participante ta nan ta busca hungador pa mantene nan team nan cu locual cu ta trabou di e D.A., mi por conta cuanto team tin awor den Little League 11-12, den tur tres liga hunto bo no ta ni jega 15 team compara cu antes. Riba esey  por tin varios aspecto cu por a stroba, pero di parti D.A nada un ta wordo hasi, den 13-14 bo tin 2 liga y hunto nan ta jega 10 team total pa Aruba. Increibel pero nada un ta wordo hasi, den 15-16 nos tin dos liga y hunto nan por jega 9 team ney y keto bai nada un ta wordo hasi. Mi ta kere e solucion pa cu esaki ta pa awor aki pa e manager y coach nan di club nan jega hunto y e pensa kiko por wordo hasi pa salba Little League. Mi opinion ta dicon nos no por bai lemay e 3 liga ney parti un linja recta na Aruba y hunga pariba cu pabou, dos liga of mihor ban na un solo liga den e categoria 13-14, 15-16 manera den e caso di big league cu ta 17-18 cu si ta ful Aruba. Si nos kier wak resultado nan manera anja pasa, esey tin cu pasa paso cu NAS no lo tin chens pa gana un Latino Americano den Junior league y ni Center su so, tur dos liga mester di otro pa por jega un mundial atrobe. Den Senior League e chens ta grandi un biaha mas ja cu tin hopi bon pelotero eyden, pero tin cu cuminsa traha trempan. Un otro precupacion dimi ta con eleccion di D.A. a cana den pasado y a bolbe pasa den 2009 sin cu nada a wordo hasi. Tur hende sa cu cada 3 anja elecion pa cu D.A. ta tuma lugar, na 2006 e elecion a bai den forma di ilegal un biaha mas, dor cu e D.A.tabata yama cada un di e president di cada liga na telefon pa bisa por ehempel cu ya president di South y Center a vota pe caba kiko e di North ta pensa ni maske e vota contra e lo keda 2-1, dus asina ey e la keda bai. Ta full fout di locual cu ta para den e regla nan di Little League. Den 2009 no tabata tin elecion mes dor cu e la haya supuestamente un waiver di Carlos Pagan kenda ta director di Little League Latin American. Tur esey ta contra di regla nan di Little League tambe manera ta stipula y riba dje no por entrega un waiver si tin cantidato pa eleccion, nos di North league a postula Sra. Carmelita Haynes pa ta e proximo D.A.pa e proximo 3 anja nan! Pero Sr. Elio Heronimo un kier tende di eleccion, nos sa dicon, pero esey ta e unico cos cu nos ta boga pa tene un eleccion manera cu e mester wordo hasi, si Sr. Elio Heronimo gana, nuin problema nos ta sigui pero mester bin cu un elecion si. Pami cu te ainda campeonato awor ta bai habri sin D.A. pa motibo e no kier ni trece prueba preto riba blanco cu e la haya un waiver! Ya Sr. Elio Heronimo tin 9 anja sinta eynan caba y e no kier move ni pa nada. Pero tin hopi mas cos cu ta adando cu niun hende un sa manera, un relato financiero pa sikiera e 3 liga nan mustra na club nan, pero nada! Cuanto placa e ta haya for di RBTT pa anja, paso e uniform nan di selecion ta mesun bieu nan nos ta bisti pa bai afor tur anja! E anja aki campeonato Latino Americano ta na Aruba y1 luna ta casi bai caba y te ainda nada nada! Un otro cos ta, e plan cu Sr.Heronimo kier bin cune ta full contra tur regla nan di Little League un biaha mas, mi mes ta un di e manager nan cu a wordo invita pa ta presente na e reunion pero mino a haya nuin tiki eerlijk pa cu hasi esey dilanti tur e otro voluntario manager y coach. E kier a bin cu un style di bondscoach den Little League pa train e selecion nan cu ta wordo vergoed dus paga. Con bo por pensa un cos asina den e programa aki Sr.Heronimo, no ta existi pagamento den Little League, ni bondscoach, paso tur hende tur coach ta hasi e cos aki for di nan curason si cobra un placa, nan ta traha duro pone nan team bai final pa nan por yuda train e selecion di nan liga! Pa despues wak si nan por haya e chens pa bai afor pa defende Aruba su bandera! Pero ya cos no por sigui asina! E unico persona nan cu por hasi algo ta nos coach nan y manager protesta contra e hecho nan aki, mi ta kere ora e grupo bira mas grandi e ora ey e lo por ripara y bin bei cu cos no ta bai bon. Ban uni awor y pa hiba baseball di e programa Little League padilanti y lemay bringa otro, union ta hasi forsa, ta e mucha nan ta wordo perhudica Iysigur nos dushi nomber di pais Aruba.