Diabierna ultimo durante di un atardi ameno na Eagle Bowling Palace, coleganan di trabou di e compania di acountant Ernst and Young a bini hunto, pa asina batisa nan uniform nobo di softbol.

Coach di e equipo di Ernst and Young, sr. Gerick Croes a dirigi algun palabra na esnan presente, el a bisa cu e meta pa cual a lanta e equipo di Ernst and Young un anja y mei atras tabata  pa haci actividadnan social despues di orario di trabou y pa reinforza e teambuilding y teamspirit entre e trahadornan di Ernst and Young.

Mester bisa cu e acto di bautizo tabata uno masha special, e madrina di e equipo, sra. Mayra de Mey mester a pitcha e uniform(cu tabata scondi den un blas), pa e padrino di e equipo, sr. Angel Bermudez swing cu su bate y dal esaki kibra pa asina tur hende por aprecia e uniform nobo.
	Por ultimo, e madrina di e equipo, sra. Mayra de Mey den presencia di e branch manager di Ernst and Young Aruba, sr. Ryan Kock y e demas coleganan, a basha e tradicional champana ariba e uniform.

Coleganan kier a yama un danki na tur cu ta contribui na e famia grandi di Ernst and Young. Pa tur esnan cu kier reta e equipo di Ernst and Young por yama libremente na telefon 582 4050 y puntra pa sr. Gerick Croes.