E campeonato di baseball Little League di Aruba North League tambe a continua den e fin di siman tras di lomba. Esaki tabata e di cuatro siman di wega pa e equiponan di Aruba North League. Diabierna 19 di maart Friomax a enfrenta Stars na Aruba Jrs. E equipo di Friomax a bay cas cu e Victoria derotando Stars cu score di 12-2. Friomax tabatin 9 hit y 1 eror mientras cu Stars a bati 2 hit y nan a hunga sin comete eror. E pitcher ganador tabata Jeandrick Oduber mientras cu Shakir Arends a perde. E mihor bateadornan pa Friomax tabata Gillian Wernet di 3-3 incluyendo un homerun, Jeandrick Oduber di 2-2, Albert Pop di 2-2, Jaidwick Tromp di 2-1 y Brandon Maduro di 2-1. Pa Stars tabata Christiaan Kingsale y Shakir Arends, ambos di 2-1. Diasabra na Monserat Friomax a bolbe gana Stars, e biaha aki cu score preta di 3-2 den un caminda ambos equipo a bati 3 hit so. Stars a comete 2 eror pero Friomax a hunga impecable. E pitcher ganador tabata Gillian Wernet mientras cu Sharif Arends a perde. E mihor bateadornan pa Friomax tabata Jeandrick Oduber di 2-2 y Anthony Lacle di 2-1. Pa Stars tabata Sharif Arends di 2-1, Milangelo Richardson di 1-1 y Reinald Thiel di 1-1 tambe. Despues di e wega pareu aki e muchanan di Playa Linda Braves a pasa un pasa riba RBTT y a gana nan cu score grandi di 14-0 conectando 7 hit contra 1 di RBTT. E pitcher ganador tabata Edmar Tromp kende a domina e bateria di RBTT por completo permitiendo solamente 1 hit. E pitcher perdedor tabata Joshua Pers. E mihor bateadornan pa Playa Linda tabata Luis Gonzales di 2-2, Rolando Toro di 2-2, Zahid Ayubi di 1-1, Edamr Tromp di 2-1 y Zairon Kelly di 2-1. Anthony Loopstok a bay di 1-1 batiendo e unico hit pa RBTT. E potretnan di siman ariba ya cu nos tabata cubri e weganan pero nos no tabata haya e resultadonan y hustamente e siman aki cu nos no a bay cubri e weganan di North League, wel net awor si nos a haya e resultadonan. Nos ta spera cu nos sigui haya nan pa nos publica nan.