Den un duelo di bon pitcheo, diabierna anochi nos a disfruta di e partido entre ATCO Indians y San Nicolas Braves. Manera nos a bisa anteriormente, un duelo di bon pitcheo entre Alfred van der Linden di ATCO y Michelangelo Jack di Braves. Den e prome tres inningnan ambos pitcher a domina nan bateadornan, na unda algun hit so a ser bati y sigur tambe un par di tremendo hugadanan a ser ehecuta, principalmente Eldrick Dijkhof a sambuya un bala ala 'play of the day'. Nos a haya e siguinte relato for di e campo di ATCO Indians. Diabierne anochi a continua e campeonato di Baseball AA 2010 cu otro encuentro entre e campeonnan Atco Concrete Indians y Braves/ Stars BBC. Atco Concrete a presenta e biaha  aki cu nan pitcher Alfred v/d Linden cu a domina Braves por completo y propina nan otro blankeo cu score di 6-0. Pa Braves tabata ariba montículo e surdito Jack cu a forma un duelo cu Alfred te den 5to inning unda Atco ta habri afor cu 3 careda pa core cu Jack caminda a destaca un  homerun pa 2 careda di Johnatan Ramada. Ademas Ramada tabatin 1 triple y 1 hit ariba su nomber.  Atco Concrete Indians tabatin 6 careda , 7 hit y 1 error. Braves/ Stars 0 careda, 5 hit y 1 error.  Mihor bateadornan pa Braves / Stars : Jeffrin Johnson 2-2 y Charles Hooker 2-1. Pa Atco Concrete Indians : Eldrick Dijkhoff  5-2 , Johnatan Ramada 5- 3 y Francis Kelly 1-1.  Pitcher ganador: Alfred v/d Linden 3-0 y perdedor Mitchel Jack.