Prome cu un luna cu e reunion mester tuma lugar, tur club miembro di Arubaanse Voetbal Bond ta wordo notifica di e reunion general anual. Tur club ta wordo avisa pa pasa oficina y recoge e documentonan cu lo mester wordo trata y aproba durante dicho reunion cu a wordo planea pa tuma lugar diaranzon proximo 8 december 2010.  Lamentabelmente un grupo grandi ainda di miembronan no a pasa busca nan documentonan y ta pesey tambe, AVB kier duna su miembronan toch e oportunidad pa pasa busca e documentonan no mas tarda cu diabierna awor y asina tambe AVB kier anuncia cu lo reschedule e reunion di 8 di December cu un siman. Pues e reunion general anual di AVB lo tuma lugar diaranzon 15 di December proximo y lo cuminza 7:30 pm, si acaso no tin quorum, lo sera y habri e reunion despues di mei ora y lo sigui cu e reunion, na unda cu tur decision tuma, lo ta valido.  Pues un peticion ta bay pa tur e miembronan di AVB cu pa un motibo of otro no a haya e chens pa pasa busca nan documentonan, pa haci esaki ainda, prome cu diabierna proximo durante oranan di oficina.  Tin diferente topiconan cu lo wordo trata y sigur cu aporte di nos miembronan, nos lo por yuda nos deporte rey. Pues percura pa como miembro bo tin un representante cu su carta di apoderacion y participa activamente durante e reunion general anual, na unda cu e lineanan di maneho pa cu futbol, lo mester wordo trata.    Sperando di por topa cu tur nos clubnan miembro, diaranzon 15 december proximo, nos ta termina.