Awenochi e final di futbol veterano ta yega su final, despues di a cuminsa na maart ultimo cu e campeonato di 40 y 50 den combinacion, sigui su tras pa esun di 35+, awe e temporada di Fedeveta lo yega su final, ora cu e gran final lo ser hunga den e ultimo categoria menciona, entre Deportivo Nacional y Caravel. E dos equiponan aki henter e campeonato aki a bataya duro, cu Deportivo Nacional invicto, pero cu algun wega tabla, mientras cu Caravel si a conoce algun derota, pero den e playoffnan final aki nan tabata simplemente imbatible, sorprendiendo Inter y Arusur. No tin duda cu e equipo di Caravel dirigi pa Roy Helder y Deportivo Nacional dirigi pa Don Silo Brete lo bai duna e publico presente un tremendo spectaculo di futbol. Mas cu claro lo bai tin wega pa e Copa 5 y e di 3 y 4 lugar entre e dos equiponan bisina esta Rooi Afo y Arusur. No ta keda nos nada otro di haci un invitacion na henter e pueblo di Aruba pa bin awenochi cuminsando ya pa 6or na tereno di Caiquetio na Paradera y bin presencia e final di Fedeveta 35+. Di aki banda nos kier a felicita e organisacion di Fedeveta pa un otro tremendo campeonato di futbol veterano.