Diaranzon ultimo a tuma lugar ariba tereno di Caiquetio e weganan di semifinal di Fedeveta 35+. E weganan aki ta esunnan cu a ser cancela diasabra 4.12.10 debi na mal estado di tereno. Den e prome wega Nacional ta pasa pa final ganando for di Rooi Afo 3 – 2 pero pasando den un susto. Na di 5min, un tiro liber di Checho Gonzales, unda e portero no por a wanta e bala, e den rebound Leo Garcia no ta drumi y ta remata pa e 1 - 0. Na di 25min, un infracion den e area penal di Rooi Afo ta pone arbitro Mando Boekhoudt pita pena  maximo, aki Leo Garcia ta ehecuta, cu un tiro den skina drechi, e ta anota su di dos gol, poniendo Deportivo Nacional ariba 2 - 0, pues Nacional Leo Garcia a score tur tres gol mientras esnan cu a score pa Rooi Afo a keda desconoci pa nos debi cu e nombernan no a aparece ariba e formulario. Den e di dos partido Caravel ta seya su pase pa final ganando Arusur 2 – 0. Golnan di Caravel a ser anota pa Gerald Zimmerman y Jose Gonzalez. Diahuebs ultimo tambe tabata tin wega den grupo di perdedor caminda cu S.C.A. a pasa pa final ganando Barcelona 5 – 0 cu golnan di Franklin Fingal, Franklin Kock, Shensly Geertruida, Alexis Mendoza y Gregory Koots. Refree y asistencianan di linea tabata: Mando Boehoudt, Fan Dijkhoff y Lucho Zambrano. Diasabra awor 11.12.10 tin e gran final di 35+ na tereno di Caiquetio cuminsando cu final di Copa 5, despues pa e di tercer puesto y finalmente pa e titulo di campeon. 6.00 Toke La Fama vs S.C.A. (pa Copa 5) 7.15 Rooi Afo vs Arurus (pa tercer y cuarto lugar) 8.30 Nacional vs Caravel (pa titulo di campeon y subcampeon) Fanaticonan di futbol veterano ta keda cordialmente invita pa presencia e weganan na Caiquetio pa apoya bo equipo y mas cu claro e bar y cushina no ta falta. Den e mesun rosea nos kier a participa na e teamnan veterano pa sigui train pasobra Fedeveta ta start sali otro anja dia 12 maart 2011.