Diadomingo mainta, un grupo di cursista cu ta sigui e curso di entrenador di futbol TC-3, a organisa un torneo 4 - 4 pa nos hobennan futbolista. Mester bisa cu varios equipo di cuater a ser forma na unda tur a bataya contra di otro pa ultimo saca un ganador, e hungadornan tur sigur a encanta e mainta aki. Actualmente Arubaanse Voetbalbond tin un curso di TC-3 ta canando pa basta tempo caba y awor a toka turno na e cursistanan pa organisa clinica cu ta duna importancia na un di metanan pa haci e futbol mas bisto y agradabel pa nos futbolistanan hoben, pesey mes e concepto 4 - 4. Entre e esnan cu a yuda e mainta nos por a mira varios entrenador di futbol cu ta yuda equiponan infantil y hubenil den futbol Lifida, mayoria di nan ex-hungadornan di RCA, Division di Honor, manera un Lito Kelly, Gio Davelaar, Remy Davelaar, Haime Tromp, Rafa Vanegas, Ale Aparicio y Glen Sambo. Ta bon pa menciona cu ta bunita pa mira, con ex-hungadornan di futbol, cu a milita den e division mas halto di nos futbol pa anjanan largo, ta sigui un curso como entrenador di futbol pa despues pasa nan experticio y experiencia over na nos futuro futbolistanan. Boso ta e ehempelnan, pabien!