Diadomingo ultimo den e prestigioso ballroom di Westin Hotel, e organisacion di San Nicolaas Baseball Organisation a tene nan fiesta di pasco, un celebracion cu anualmente ta ser teni pa e hungadornan y nan mayornan como tambe pa e dirgentenan. Aki e muchanan a gosa un mundo, tawata tin weganan di baile pa mucha y mayor, stoelendans, ganadornan di stoelendans tawata Sem Thode, Jursey Maduro, Myguel Alcantara, Chris Maduro, tur a haya premio. Tambe den e mayornan a baila tur sorto di cantica y e maximo ganador tawata Aishel Lynch cu a gana un weekendstay na Westin. Un sala yen y un cuminda tremendo, un danki ta bai na Chef Matt Boland, Johanita, Julio Restrepo pa e bon trabao. Mike disco, a deleita tur presente cu bon musica, un danki na dje tambe cu a sa di pone un ambiente tremendo. A rifa makutonan yen di comestible pa e muchanan y tur mucha a haya nan certificado pa e tremendo anja.