Diahuebs anochi e organisacion di SV Britannia a tene nan acustumbrado Christmas Dinner y e biaha aki e dinner a tuma lugar den e Ballroom di Radisson Hotel. E animacion tabata den man di Gaita Las Unicas y Santa Claus, kendenan a deleita tur presente cu dushi musica. Tabata un placer di por a mira tur e muchanan di edad hoben te cu e Division di Honor hunto den un Cena di Pasco. Su excelencia Minister di Salubridad y Deporte, dr. Visser tambe tabata tey presente, na unda el a manda e mihor deseonan pa henter e organisacion di SV Britannia. Directiva di SV Britannia kier a desea tur e hungadornan, coachnan, comision y tur persona cu ta envolvi di un manera of otro di a contribui pa brinda muchanan y hobenan di practica e deporte Rey "Futbol", un Bon Pasco y un Prospero Anja 2011. Cu Dios bendiciona boso tur y cu sa di conoce e berdadero nificacion di Pasco di nacemento. Dios a manda su unico jui, pa tur cu kere den dje, no bai perdi, ma haya bida eterno.