Ta parce cu e "clasico di Spanja", entre Real Madrid y Barcelona a tuma lugar na Aruba tambe. Diaranzon atardi un grupo di amigo a dicidi di bini hunto na stadion Guillermo Trinidad na Dakota, na unda e fanaticada di Real Madrid a topa cu e azul/rojo di Barca. Por a mira caranan hopi conoci den nos mundo di futbol a regresa for di Hulanda, sea ta di vacacion of nan a regresa bek, asina nos por a wak Johnny Nuboer, Marvic Bermudez y Brain Lake, tur ex-hungadornan cu a milita den e Division di mas halto di Aruba su futbol. Mirando cu semper a existi e rivalidad entre e dos clubnan grandi di Spanja, aki tambe tur dos equipo ta conta cu simpatia di un y tur, sea bo ta den e mesun equipo of no. Cuanto e score a caba nos no sa, pero un cos si, na Spanja, Barca ta dominando Real Madrid pa basta anja den e clasico, pues e victoria casi sigur lo tabata pa Barca na Aruba tambe! Ultimo informacion ricibi ta bisa cu e wega a caba 4 - 4, pero den e tironan di penal, enberdad Barca a gana RM