Diadomingo mainta despues di entrenamento, e muchanan di seleccion U-13 a haya nan treat for di sr. Jose Wever y e directiva di Lifida, un dushi plato a ser prepara pa tur hungador, esaki como muestra di aprecio pa e bon trabou den 2010. Na e mainta presente nos tabatin su excelencia Minister di Salubridad Publico y deporte, dr. Visser kende personalmente a pasa y saluda e muchanan, tambe su persona a duna algun palabra motivante pa asina e muchanan tur sigui haci nan best den e deporte di futbol y den nan estudio. Na final, presidente di Lifida, sr. Jose Wever a parti certificado pa tur hungador, mas cu claro e palabranan di bon deseo no tabata falta aserca. Por ultimo, dr Visser a haya e oportunidad di corta y purba e prome pidi bolo. E seleccion U-13 na fin di januari lo tin un compromiso den exterior y nan ta preparando den full swing pa cu esaki.