Diadomingo ultimo, S.V. Estrella Lifida a tene su cena di Pasco annual na Renaissance. Un anochi masha placentero cu a cuminsa cu palabra di actual president sra. Lindell Martinus-Werleman di Estrella Lifida cu a hiba palabra, deseando tur presente un bonbini y gradici tur mucha cu a sa di coopera henter anja luchando duro pa cada un nan team y alavez anunciando na final como sorpresa pa cada futbolista presente, cu e anochi lo termina cu e bautismo di uniform nobo, cual a cai na agrado di cada un presente. Ta di lamenta si cu e anja aki, ni un comerciante no a coopera cu ESTRELLA LIFIDA por medio di un sponser, pa asina buska uniform nobo pa nos teamnan, pero cu fe den Dios y hopi trabow, nos a logra. Despues di e cena , tambe tabata tin entregamento di premio, na nos miembro di Honor 2009-2010, Sr. Glenn Croes, cu durante basta anja a sa di dedica su tempo liber na su team preferi Estrella. Alavez directiva di Estrella Lifida a entrega un plakaat di aprecio na nos president actual sra. Lindell Martinus-Werleman, pa su aporte y sosten brinda na nos organisacion. Un danki ta bai na sra. Mariella Geerman pa su bunita tarjeta di Pasko. Mas premiacion di e anochi tabata pa e MVP y Goalgetter 2009-2010 den cada categoria. Un gradecimiento special ta bai pa TRAVIS FIREWORKS cu a coopera cu nos y asina nos por a premia nos MVP y Goalgetter di 2009-2010. Premionan a wordo entrega door di coachnan di cada categoria.MVP 2009-2010: Minibaby: Francis Copping Baby: Trevor Faro Lifida A: Raul Morales Lifida B: Jeremy Fontaine Menor : Christian Quandt Goalgetter 2009-2010: Minibaby: Wesley Illes Baby: Trevor Faro Lifida A: Leandro Tromp Lifida B: Duncan Humoet Menor: Aldrin Lampe Na final di e anochi a tuma lugar e bautismo di uniform den presencia di e MVP di anja 2009-2010 y nos madrina tabata den pesrona di un lider y gran fanatico di Estrella, srta. Carry-Lynn Martinus. Nos di Estrella Lifida kier a desea tur su hungadornan, coachnan Lando, Willmark, Joshua, Alex, Christa, Carlos, miembronan, mayornan, fanaticonan y pueblo di Aruba en general feliz dianan di fiesta y cu pa e anja venidero trece lo mihor pa cada un di nos. Felis Anja 2011.