Dia 29 januari proximo lo tuma lugar na Miami e famoso ING Miami Marathon y ½ marathon. E anja aki un grupo di coredornan di Aruba lo ta participando na e Marathon aki. Un total di 17 coredornan di e grupo “Run for your heart”. Un grupo cu ta hopi anima, motiva y cu gran passion pa e deporte di coremento. E grupo aki mayoria biaha ta concentra nan mes riba coremento di distancia largo manera un marathon.  Mas o menos un total di 20.000 coredornan rond mundo lo forma parti na e Marathon / ½ marathon aki.  E grupo di Aruba ta consisti di 3 coredo muher > Esmeralda Hendriks, Angelina Ponson,Shariska Winterdal Y 14 coredor homber > Michel La Haye, Carlo Mansur, Dr. Johnny Cheng,  Dr. Patrick Haime, Jurgen van Schayk, Frank Dubbeld, Eugene Martis, Mario Nooijen, Wilfred Ras, Hans Ruiter, Bart Kool, Burt Tromp, Koos Veel y Armand Cramer.  Tambe un otro coredo di Aruba di All distance Runners > Alric Kock Pa participa na un Marathon (42.2 Km) ta exigi hopi disiplina, dedicashon y determinashon y sigur will power.  Entrenamentonan duro y intensivo bou guia di Coach Aldrick Maduro, cu e grupo aki a forma parti di dje y cu awor ta cla pa e reto. Na unda cu den siman y tambe den weekend tin cu lanta 4:00 di mainta pa por cumpli cu nan entrenamento. Pero cu hopi motivashon y animashon e grupo aki ta mantene nan mes uni y asina cada un ta motiva otro. Y nan ta determina y sigur di nan mes cu nan lo hasi sigur un bon papel den e Marathon aki.  E biaha aki tambe nan lo ta coriendo cu un t-shirt cu Logo di Aruba y asina tambe promoviendo nos dushi isla ARUBA.  It’s great to be a Runner !!!