Awe tardi pa ser exacto 6 or Aruba lo conoce e campeón nobo  di Copa Libertador Gilberto .F ( Betico ) Croes ora e vigente campeón di Aruba su campeonato esta e tricolornan di R.C.A enfrenta e Abehanan amarillo di Dakota den e wega final pa mira ken lo conquista y tin e honor pa lanta e copa. Un cos ta sigur cu  e wega aki ta priminti di ta uno clásico y cu hopi emocion ora e dos teamnan aki  cuminsa e bataya pa mira ken lo ta e campeón. R.C.A e perde den e prome rond di e campeonato for di e ekipo di Dakota 1-0  y sigur lo kier hasi uzo di e oportunidad aki pa saka cara y mustra pakiko nan ta e campeonnan di aruba su campeonato.di otro banda e ekipo di Dakota kier consolida su mes den e división mas halto di futbol y mustra pakiko nan ta e ekipo cu tin mas campeón den e división di mas halto di Aruba su futbol. Loke tin cu menciona cu apesar cu no ta hungando un partido pa mira ken lo ta campeón di futbol di Aruba,tog e emocionnan lo ta na gran escala pa por hunga Final di un copa caminda sigur ambos ekipo lo kier ta campeón y gana pa mantene moral y honor. Awe C.D.F.F lo ta testigo di un wega caminda futbol,fanaticonan,pashon,emoción y sobre todo curazon lo bati duro desde e prome pito oficial te na e ultimo pito pa wak ken lo bay cu e campeón di e copa. Aruba ta keda cordialmente invita y especialmente fanaticonan di e deporte Rey Futbol pa asisti na e wega y apoya ambos ekipo durante e partido final. Nos di www.sporttvaruba.com sigur lo ta presente cu streaming live di e wega bow naracion di sr Gilmar Croes y comentarista sr Ivo Lacle y e team completo di Sporttvaruba pa tur esnan cu no por sigi e wega directamente for di C.D.F.F