Diadomingo 29 januari 2012, Aruba Amateur Weightlifting Association ta organisa nan prome competencia di hisamento di peso cu ta Copa Betico Croes. Esaki ta bai tuma lugar den Compleho Deportivo Frans Figaroa na Noord. Pisamento di atletanan ta 3:00pm y competencia ta cuminsa 4:00 di atardi   Varios di nos atletanan ta den  preparacion pa cu esaki y lo wordo hisa den categoria di senior, junior, hubenil, damas y master.  Hisadornan cu nos lo wak den accion ta: den categoria di femenino nos ta hanja Valerie Figaroa y Staphany Solognier. Den categoria di senior nos ta hanja atletanan cu lo bai bataya cu otro ta Patrick Hoek, John Henriquez, Darvin Raphaela, Sebastian Suarez, Pascualino Antonella, Patrick Vrolijk, Juan Carlos Hurtado. Den categoria di Junior nos ta hanja Reggie Henriquez, Gabriel van Dijs, Jonathan Suarez. Den Hubenil atletanan Zaymon y Zymion Loopstok y den masters nos ta hanja Anthony Martinus, Hugo Themen, Edsel Vos, Ferguson Figaroa y Faissal Barosa. Tur fanatico di Hisamento di Peso ta keda cordialmente invita pa bin presencia e competencia aki den Compleho Deportivo Frans Figaroa na Noord.   Entrada ta gratis pa grandi y chiquito.