Dia 19 pa 22 di januari 2012 a tuma lugar na e Santo Domingo e Congreso Electoral di e  FEDERACION PANAMRICANA DE LEVANTAMIENTO DE PESAS. Esaki a tuma lugar den un di e Ballroom di Hotel Be Live Hamaca na Boca Chica. Pa Aruba a participa Sr. Hugo Themen como delegado.  Na e congreso tabatatin 24 pais presente cu ta: Aruba, Argentina,  Barbados, Brasil, Canada, Colombia, Costa Rica, Cuba, Curacao, Estado Unidos, Ecuador, El Salvador, Chile, Guatemala, Guyana, Honduras, Mexico, Panama, Paraquay, Puerto Rico, Peru, Nicaragua, Venezuela y Republica Dominicana .  Tambe presente tabata Sr. Dr. Felipe Payano Ministro de Deporte di La Republica Dominicana y Sr. Lic Luis Mejia Presidente di Comite Olimpico Dominicana.  For di Hungria tawata presente Sr. Tamás Aján Presidente di  Internacional Weightlifting Federation y su secretaria Sra. Eva Moska. Miembro di IWF Executive Board Sr. Dragomir Cioroslan for di Merca, Sr. Emilio Estarlik Lozano for di Espanja y for di Irak Sr. Mohamed.  Diabierna dia 20 januari 2012 a tuma lugar e elecion pa directiva nobo di e Federacion Panamericana de Levantamiento de Pesas E punto principal di e congreso tabata e presentacion di e candidatonan y e votacion. E votacion pa directiva nobo pa e Federacion Panamaericana de Levantamiento de Pesas a bai como lo siguiente: Como Presidente a wordo eligi Sr. William Ozuna for di Santo Domingo. Pa Vice President tabata tin 5 puesto, Como Vice President o wordo eligi Sr. Rafael Pacho for di Cuba, Sr. Andres Vargas for di Puerto Rico, Sr. Horacio Reis for di Brasil, Sr. Luis zambrano for di Ecuador y Sr. Kyle Pierce for di United States. Como General Secretary a wordo eligi Sr. Eddie Suarez for di Venezuela y Treasurer a wordo eligi Sr. Christian Harthey for di Chile. Tambe a wordo eligi Medical Committee, Technical Committee y scientific and Research Committee.  Diasabra mainta dia 21 januari 2012 Federacion Panamericano de Levantamiento de Pesas a inaugura su oficina den Pabelion Joaquin Puello cu ta keda den Parque del Este Pa 7:00 di anochi a tuma lugar e cena y actos di despedida den un di e Ballroom di Hotel Be Live Hamaca.  Directiva di Aruba Amateur Weightlifting Association kier a gradici  Lotto pa Deporte y Sport Subsidie Comissie cu a haci e biahe posibel.