Universidad di Aruba den colaboracion cu Universidad di South Carolina ta organisa tayernan cu e tema “How to organize Sports and Entertainment events”. E ta consisti di un serie di tayernan cu lo ta duna durante un periodo di 7 siman den e lunanan di januari y februari 2012. Cada tayer ta cubri un tema diferente, variando di “Opportunities and Challenges in Sport & Entertainment Industry” pa “Event Planning in Sport & Entertainment”.  E tayernan aki ta pa tur e esunnan cu ta interesa den mehora nan habilidad di organisacion. Tambe e ta pa tur esunnan envolvi den administracion di deporte, oficial di club, coach di e un team, un mayor interesa y tur esunnan den deporte en general. E tayer tambe ta apoya pa Minister di Deporte, dr. Richard Visser cu lo ta un orador p’e 70 participantenan cu a inscribi. Riba e prome dia di e tayer, el a expresa e importancia di deporte y su impacto riba e comunidad. E instructornan pa e tayernan aki, ta experto riba e topico di Deporte y Entretenimento.  Asina por menciona Andy Gillentine, Doctor of Philosophy na Universidad di Southern Mississippi. Prome cu a bira “Professor & Chair” di e “Sport & Entertainment Management Department” di e Universidad di  South Carolina, e tabata un “Associate Professor and Associate Dean”, na e “School of Education and Director, Sport Administration Program” na Universidad di Miami.  Mark Nagel di University of Northern Colorado ta un Associate Professor Entertainment and Sport Management Universidad di South Carolina. Dr. Nagel ta duna les na estado di Georgia, State Universidad di West Georgia, San Jose State University y e Universidad di Northern Colorado. Tambe e ta profesor adhunto na IE Business School, Madrid, Spaña y na Universidad di San Francisco Sport Management.  Frank Roach di Golden Gate University ta un “Senior Lecturer” na Dept. of Sport & Entertainment Management Universidad di South Carolina. E ta tambe e Director di Deporte, Entertainment, and Venues Tomorrow conference. E tabata responsabel pa facilita e funcionnan di World Wrestling Entertainment hunto cu e organisado di US Women’s Soccer Team Indoor Challenge, ESPN’s Skating Championship. Tambe el a percura pa duna servicio di consulta di entretenimento na e companianan manera; The Walt Disney Company, Warner Bros. Studios, y na e comerciantenan di deporte manera; LA Clippers, International Basketball league. Na final di e tayernan lo duna un certificado di participacion na tur e participantenan cu completa e tayernan completo.