Despues di un aña 2011 sumamente exitoso como atleta cu a dun’e satisfaccion,  resultado grandi y positivo pa cu su prestacion durante diferente competencia, coredo di distancia largo Alrric Kock ta premira mas exito den 2012. Logro y resultado di caredanan den 2011:  Su participacion na “Betico Memorial Run 10K den 2011”, a dun’e e di 12 lugar ‘over-all’ y den su categoria di 30-34 aña el a logra e di 2do lugar cu un tempo di 41:59.  Den e “Aruba International Half Marathon 2011”, Alrric a logra e di 9 lugar ‘over-all’ mientras cu den su categoria el a finalisa na di 3er lugar cu un tempo di 1:32:28. Siguiente participacion grandi tabata na e di “51st 10K Aruba International Boulevard Loop 2011 “, na cual el a finalisa na di 4er lugar ‘over-all y den su categoria cu un tempo marca di 40:23. E evento cu a sigui na cual Alrric a participa tabata e “Ronde van Aruba” cu a cubri un 75K di cual el a forma un 3e estafette Team cu hunto tabata tin 120 jr y nan a logra finalisa den un tempo di 5:48:30. “Girobank Schottegat Loop-10 mile” a sigui y esaki a tuma lugar na Curacao. Den e competencia aki, Alrric a logra e di 5 lugar ‘over-all’ y e di 2do lugar den su categoria di edad cual ta 30-34 aña cu e tempo di 1:12:43. Na Aruba su participacion na competencianan a continua y na e “1st General Store 10K” el a finalisa na di 3er lugar ‘over-all’, mientras cu den su categoria di edad e tabata number uno, pues e prome lugar cu su tempo di 41:04. E siguiente gran careda tabata e popular “Turibana-Sta. Cruz 10K Loop”. Su racha di bon resultado a sigui y Alrric ta logra e di 4er lugar ‘over-all’ y ta logra otro prome lugar den su categoria di edad cu un bon tempo di 41:08. Na Aruba durante aña Alrric Kock ta hopi activo participando den diferente careda y competencia. E evento di “Aruba Way Foundation Walk & Run 5K” ta otro cu ta hopi popular y aki e ta logra e prome lugar ‘over-all’, 1st Male Open cu un tempo di 18:45. El a participa internacionalmente na e di “7th Annual Greater Maitland 5K” (USA) y aki e ta logra un di 6 lugar ‘over-all’ y prome lugar den su categoria di edad cu ta 30-39 aña, marcando un tempo di 19:47. Na e “Sprint Triathlon Momentum Engineering” cu a sigui el a participant den un ‘Relay Team’ cu a logra e di 1st lugar ‘over-all’. Na Aruba a sigui despues e “Nationale Cross Country 5K” cu e ta logra Running Male: Overall 1st.Participando na e “Universal Trophy Youth 5K 2011” su logro tabata un ‘over-all’ 1st  lugar. E organisacion di ‘All Distance Runners Aruba’ despues di a keda funda a organisa nan “1st ADRA Fundraising 5K” y aki Alrric ta logra e 3er lugar ‘over-all’.  Su participacion grandi despues tabata na e “28th Fatum Loop 10K” cu tabata na Curacao. Y aki e ta logra un di 5 lugar ‘over-all’ y prome lugar den su categoria di edad cu un tempo di 38:00. Cu exito tras di exito e aña a transcuri pa e coredo di distancia largo Alrric Kock y den luna di november 2011 el a participa na e “1st CMB 10K Noordloop” cu a resulta den otro satisfaccion p’e como atleta. Aki e ta logra e di 3er lugar ‘over-all’, mientras cu den su categoria di edad 30-34 aña, e ta finalisa na prome lugar cu un tempo di 38:00 E ta conclui cu aña 2011 p’e tabata un tremendo aña, den cual e por a mira hopi progreso personalmente. Trahando y entrenando duro e por a mira con su tempo tabata baha cada biaha despues di cada careda Ya pa e prome caredanan cu a tuma lugar den aña 2012, Alrric a mira resultado positivo logrando termina entre e promenan. E fin di siman tras di lomba, Alrric a biaha pa Estados Unidos pa participa na e “Miami International Marathon 2012”. Esaki a tuma lugar diadomingo 29 di januari 2012. Na e marathon aki a participa como 22.000 atleta y den cual tambe 17 atleta Arubiano y Alrric tambe a forma parti di e grupo aki.  Siguiente retonan pa Alrric e aña aki ta “Rotterdam Marathon” dia 15 di april 2012 y tambe e “New York Marathon” den luna di November, pero e ultimo aki ta depende di lot y si suerte toke, e ta participa pa representa Aruba. Y mas cu claro Alrric ta sigui participa tambe na Aruba den e caredanan di IDEFRE y focus riba caredanan internacional tambe. Alrric Kock ta gradici FATUM y tambe Sport Caribe pa tur cooperacion ricibi durante aña 2011 y pa nan continuo support tambe den e aña nobo aki.