Luna di februari ta habri cu e oportunidad pa tur studiante cu ta interesa di sigui studia den e ramo di deporte hasi esaki pa medio di e Estudio di CIOS. Esaki ta un estudio di deporte di formacion profesional riba nivel di MBO cu hobennan por sigui na Hulanda.  IDEFRE ta informa cu pa un hoben bin na remarca y haya oportunidad pa continua e estudio aki, tin rekisitonan cu mester cumpli prome. Entre otro testnan cu e hoben interesa mester hasi aki na Aruba. Fecha pa e testnan ta diabierna dia 2 di maart 2012 y diasabra dia  3 di maart 2012.   IDEFRE ta informa na tur esnan cu ta interesa cu tur informacion ta obtenibel na su oficina situa na  e  di  dos  piso di Certified Megamall  of  por  yama  tambe  na  telefoon  582 49 87 pa mas informacion. Tur esnan cu ta interesa mester pasa busca un formulario, yena esaki y entreg’e na oficina di IDEFRE prome cu dia 27 di februari 2012 pa por participa na e testnan cu ta tuma lugar na inicio di luna di maart.  Persona di contacto ta sra. Jacqueline Ponson van Putten y por tuma contacto cun’e tambe atrabes di su e-mail: jacqueline.vanputten@aruba.gov.aw.