Siman pasa sr. Alberto Klabér di Brazil Taekwondo Stichting tabata di bishita cerca sr. Jin Song e inventor di e sistema electronico Daedo na San Francisco.E bishita aki tabata plania desde aña pasa, unda cu Jin Song a priminti di inventa productonan nobo pa Taekwondo y a cumpli tambe. Ya caba Alberto Klabér a haya e prome bista di e inicio di un producto nobo cu lo wordo lansa na Open USA na Las Vegas. Alberto Klabér ta e prome persona na mundo cu a cumpra e sistema electronico y pais Aruba ta e prome pais na mundo na unda cu a estrena e head gear electronico den Best of the Best. Awor atrobe Alberto Klabér ta e prome persona cu a haya e producto nobo aki pa usa como muestra unda cu esaki ta bay wordo lansa na Open USA na Las Vegas. Brazil Taekwondo Stichting ta conta cu 4 protectornan chikito number 00 y 000 pa e chikitonan bringa cune.Jin Song a hinca hopi tempo di por a bin cu e protectornan electronico pa e chikito nan cu ta number 00 y 000. Jin Song a bay mas lieu di modifica e feetnan electronico pa e chikitonan, awor bo por ahusta e feetnan y tambe tin un lastic pa wanta e dede di pia. Esakinan lo wordo usa pa prome biaha na Open USA na Las Vegas hunto cu e protector electronico pa e chikitonan.Brazil Taekwondo Stichting su prome evento ta dia 14 di April unda cu lo usa e protectornan 00 y 000 pa e chikitonan den e campeonato di Ultimate Taekwondo Cup cu lo bay ta e prome clasificasion pa e Best of the Best.