Despues di varios session di training e dos equiponan cu lo brinda un espectaculo di futbol, diaranson 1 februari 2012 den Compleho Deportivo Frans Figaroa ta conocí. E equipo e astronan nacional maneha pa Veron Albertsz y Herbert Beeldsnijder ta lo siguiente: Kendrick Dania (Britannia), Shemuel Koolman (Dakota), Pancho Croes (Estrella), Theric Ruiz (Nacional), Jefferson Vegas (Nacional), Carlos Quandt (Riverplate), Ricangel de Leça (Dakota), Annuar Kock (Estrella), Erik Santos (RCA), Maurice Escalona (RCA), Jorginho Petrocchi (JTL), Ale Aparicio (RCA), Niño Nuñez (Britannia), Jean-Polle Tromp (Britannia), Tumaini Taylor (Estrella), Ronald Gomez (RCA), Juan Santos (RCA) y Gregory Lake (Britannia). E equipo di e seleccion di astronan nacional ta conta cu varios hungador di e seleccion nacional di Aruba cu a obtene bon resultadonan den e ultimo aña, un mezcla di hungadornan cu experiencia, cu hungadornan hoben y talentoso. Pa locual ta e team di e seleccion internacional cu lo wordo maneha pa Guillermo Guerra cu Jhon Villar Polo tin e siguiente nombernan: Sebastian Montoya (Britannia), Juan Mavarez (Estrella), Juan David Maestre (RCA), Leon Bedoya (La Fama), Ronald Matute (Riverplate), Alex Ramirez (Bubali), Carlos Valladares (Bubali), Alexandre Conceiçao (La Fama), Valdo Leocadio (Nacional), Albert Francis (La Fama), Belisario Vallecilla (Riverplate), Deivis Cuisman (JTL), Gleison Barros (La Fama), Steven Rua Melchor (RCA), Jorge”Messi” Sanguino (Riverplate), Reymond Jimenez (Estrella), Alexander Tejada (Bubali). Miguel Guttierez (Estrella). Sigur sigur cu e team di e astronan internacional tambe ta un tremendo equipo cu ta incluí e.o. e mihor mediocampista di e campeonato anterior cu ta Valdo Leocadio y tambe cu e topscorer di e actual campeonato cu ta Alexandre Conceiçao y lo tin e refuersonan venezolano di Estrella Juan Mavarez y Reymond Jimenez y hopi otro tremendo hungadornan cu ta militando den e equiponan di nos Division Honor. E wega aki sigur ningun hende no por perde. E wega lo tuma lugar den Compleho Deportivo Frans Figaroa cuminsando pa 8:00 PM. Prijs ta solamente Afl. 5,00 pa adulto y Afl. 2,00 pa mucha.