E veterano Master Herrich Lo-A-Njoe di Moi-Dum Taekwondo Center ta preparando su mes pa Open USA na Las Vegas. Aruba ta conta cu otro personaje kende ta preparando su mes desde aña pasa pa e gran evento aki. Master Herrich Lo-A-Njoe tin dos victoria bou di su faha caba desde aña pasa cu e la dicidi di bin bek despues di bastante aña. Master Herrich Lo-A-Njoe a subi e veld di combate na Orlando na unda cu e la enfrenta e Mericano Steven Rosenberg cu un score di 9-8. Na November Master Herrich Lo-A-Njoe a topa Master Augy Tromp kende a challenge otro den e evento 'Un Ariba e otro Abou" organisa pa Grand Master Chaco Jose Cornelio unda cu Master Herrich Lo-A-Njoe a gana for di Master Augy cu un score di 2-0. Awor aki Master Herrich Lo-A-Njoe a haya mas gana di sigui bringa y demonstra pa con grandi cu e ta cu e ta cla pa cualkier hende cu para su dilanti. Master Herrich Lo-A-Njoe tin planes grandi pa despues di Las Vegas, pero awor tur e concentracion taariba Las Vegas. Na Las Vegas Teo Rodriquez di Tiger Taekwondo Center lo coach Master Herrich Lo-A-Njoe. Awor falta 2 siman pa Master Herrich Lo-A-Njoe subi e arena di combate na Las Vegas unda e tin trabou pa haci pa asina trece e di 3 medaya di oro Aruba bek.