Segun fuente historico, e Weganan Olimpico di antanjo a ser crea y funda pa Heracles (E Hercules Romano) yiu di Zeus. Asina mes, e prome Weganan Olimpico cu te ainda ta ser considera como esun original a ser teni 776 prome cu Christo (aunke ta tene na consideracion cu e Weganan lo por a tuma lugar mucho mas prome caba). Den e Weganan Olimpico na 776 BC, un coredo suno, Coroebus (un koki procedente di Elis), a gana e competencia individual di e Olimpiada ey, unda a core approximadamente 192 meter (210 yards). Esaki a haci Coroebus e promer campeon Olimpico den historia di e Weganan. E Weganan Olimpico di antanjo, a crece y continua cada cuater anja pa mas di 1200 anja. Na 393 despues di Christo CE, e emperador romano Theodosius I, un cristian, a aboli e Weganan pa motibo di influencia pagano. Mas di 1500 anja despues, un hoben Frances jama Pierre de Coubertin a rebiba e Weganan. Coubertin ta conoci tambe como "le Rénovateur". Coubertin tabata un aristocrat Frances,naci 1 di Januari, 1863. E tabata tin solamente 7 anja ora cu Francia a ser invadi pa e Alemannan durante di e guerra Franco-Prussian na anja 1870. Segun expertonan Coubertin e derota Frances no tabata pa falta di habilidad militar pero mas bien pa nan propio falta di vitalidad. Despues di a examina e educacion bou di e muchanan Aleman, Britanico y esnan Mericano, Coubertin a dicidi cu ta ehercicio, mas specifico ainda, praktica deporte, ta loke cu ta forma e hende elegante y vital. Coubertin su intento pa haya Francia completo interesa den deporte no a ser ricibi cu mucho entusiasmo. Asina mes, Coubertin a keda persisti. Na 1890, el a organisa y funda un organisacion deportivo,"Union des Sociétés Francaises de Sports Athlétiques (USFSA)". Dos anja despues, Coubertin tabata esun cu a pensa pa rebiba e Weganan Olimpico. Durante di un meeting den e "Union des Sports Athlétiques" na Paris ariba 25 di november 1892, Coubertin a bisa: "Laga nos exporta nos remeronan, nos coredornan, nos esgrimanan na otro paisnan, esey lo ta e berdadero mercado liber di futuro. E lo inspirami pa dal un otro stap cumi a propone, den esaki mi lo pidi boso ayudo un bes mas pa asina hunto nos purba realisa un base cu ta cuadra cu e condicionnan di e bida moderno, e trabou esplendido y beneficioso di rebiba e Weganan Olimpico. Su discurso no a yama pa accion mesora. Asina mes Coubertinno tabata e promer persona cu a propone pa rebiba e Weganan Olimpico, pero e tabata esun cu a haya atencion y a persisti pa e cambio bini. Dos anja despues, Coubertin a organisa un reunion cu e 79 delegado cu a representa nuebe pais. E delegadonan na e conferencia a vota unanimamente pa e Weganan Olimpico. Tambe e delegadonan a dicidi pa Coubertin construi un comite internacional pa organisa e Weganan. E comite aki awe a bira Comite Olimpico Internacional(International Olympic Committee) y Demetrious Vikelas di Grecia a keda eligi como su promer presidente. E ciudad di Atenas a ser escohi como e localidad pa rebiba e Weganan. Olimpico y e planificacion a inicia.