E grupo di Tiger Taekwondo Academy cu ta biahando pa Las Vegas ta trahando duro pa asina haci e viahe aki un realidad. Den fin di siman e atletanan tabata den Centro di Oranjestad cu nan blekinan bon traha cu e discripcion di Tiger Taekwondo Academy unda cu e pueblo tabata cooperando na grandi cu e atletanan. Sr. Teo Rodriquez di Tiger Taekwondo Academy kier a gradici e siguiente personanan kende a deposita cerca dje den su bleki cu tabata nos prome Minister di Aruba sr. Mike Eman, sr. Rudy Lampe, Fruteria Virgilio y Domeza. Tambe na tur e Taxistanan cu a pasa y no por a keda sin duna algo. E chofer di bus Rusty no por a keda sin deposita di su parti. E truck mas grandi di Ecotec a sinti su mes obliga di contribui cu e team di Taekwondo. Hasta nos turistanan kende tabata coriendo rond a deposita nandollar pa asina yuda nos atletanan. Teo Rodriquez hunto cu e team di TigerTaekwondo Academy kier a gradici cada un di e pueblo di Aruba cu a sostene nan pa Asina logra nan viahe.