Algun rato pasa a yega ariba buelo di Tiara Air for di Corsow, nos orguyo seleccion nacional di baseball Little League division Senior, kendenan a titula campeon invicto durante di e campeonato latinamericano na Puerto Rico. Un fanaticada gradisimo consisti di e mayornan, famia, conocirnan y prensa local, e muchanan a ser ricibi. Su excelencia minister di deporte, sr Ramon Lee a hiba palabra caminda cu su persona a felicita e muchanan pa e logro grandi aki, uno logro cu Aruba a warda pe pa mas di 26 anja. E perseverancia, fe, disciplina y dedicacion di tanto hungadornan cu ayudo di e dirigentenan, entrenadornan, mayornan y boluntarionan a haci cu awe nos tin un equipo cu por yama su mes, un berdadero equipo campeon. Un momento masha emocional tabata ora cu e hungadornan a ser saluda pa nan mayornan. Por ultimo a sigui cu un parada di campeon bou guia policial cu a core den e districtonan di Playa y Paradera. Un palabra di felicitacion ta bai na e organisacion di Little League Aruba, e seleccion campeon di Senior League, e staf di entrenadornan, dirgentenan, mayornan y e baseball di Aruba. Pa mas potret por click ariba nos seccion di Gallery y admira esakinan